manza tn ?

Manza tn ?
i tinn d winn mu turg tudrt tamttant!

Iga agh ugrakal(3)
Asemḍl axatar
Winn ar gis gwmmern
Igwmer gigh nttan !
Ha murran illuẓ dagh
Irggig imdi agh
Izzàlulf isttma
Aytma, d imddukal !

Idel unammas ngh
S ufaggu aberkan
Ar allan inbbaḍen...
I unammas n imiran
Ig izga, ddern, ttun
Ad imdudi ar tteẓallan !

Arraw ngh ghid uḍenn
Fessn nit ar allan
Sllan iḍeṛḍaṛ i teghiyyit
N ubṛṛan, msasan
Tfruri taydert g ighelwi(4)
Mad tt iẓeṛan, mad tt yunnan ?

Mla tsawel tuda :
Aḥḥ a tudert...
Yumeẓn afus i tmettant !
Manza tibbit ad ṭṭeḍgh(5) ?
Manza ulbu, laḥ t ?!
Aḥḥ a tamttant...
Temgr tudert,
Tesgher tumert !
Is ur yuda ad agh tteyakar tifawt
Nigh urta yuda ad nedl s tillas ?
Meklli teqqar taddagt
Ma rad issu ajddig ns ?
Ma rad t ikut iqqil
Ad ur igllin yasus ?
Manza ma...?
Temmudda...
Ghemk ann mmuddant tiyyaḍ
Mmeghigh enn tajddigt
G turtit n ugwmmaḍ ann !

Anammas iqel serngh
Yaf g ufus iskraf
Iluḥ amud n waṭṭan
Yawi g ul iḍeṛfan
Heddu, Hemmu, Iṭṭu...
Kkan tt enn ar allan !!


3 Agrakal : ill illan g iẓẓlmḍ n afriqya; gras d urubba
4 Ighelwi : addag n usngar
5 Tṭeḍ : ssumm agwfay sg tibbit

usam

Isagn
‌07/11/2959

Tanmirt anbay f tmdyazt ifulkin,ifssusn idran..ayyuz nk..

Tamttant d tudert ur ar imggr yan n sn yan , is ka d idfer yan n sn yan
igh immut yan is nn ka immatti s mani ur igin ghid !

amnad nk ilkm iyi, gwma,ifaw!
macc, ig tssnt amDan n tmgharin ittmtatn ig rad arunt, flnt ed arraw ikk sin ussan ilkm tnt, rad tinit ttfu i tmttant imggern tudert, tsgher tt, tssregh gis takat tsuD ighd ns!!
yah, tudert zund tamttant g ufus n ALLAH, macc g usurs ad tamasayt n unbbaD ifln adrar ngh g tama; tmqquR kigan!
TANMMIRT.

ayyouz nk gma anabay f tmdyazt ad idran , ngr tiguriwin ns agh tzzl tmdyazt iziln tklu s tadfi assagh nk
ayouz

azul amedyaz anabay , azul gwmanu i3ezzan !


ayuuuuuuuuuuuuz tdruus attas ,mac rad ak rzefgh yat ayuuuuz yugern ikaln d ignwan ,ityaran s tufawt n itran , xf tmedyazt ad bahra immimn idran ifulkin !!
ayuuuuuuz nk ay amedyaz !


ultmak tanirt !