AN3IBAR N IMDYAZN

Azul Essusi


Asusi nsusi gh igr nk awal ihnnan
Abaraz ibughla gan magh isawl yan
Ha ajjig rzmn i tujjut a yan agh innan
Ad disn drugh imurig tammut nw awal
Brrk a Essusi tmyurt ul ngh inna yagh
Mas utn tayri is iddr ar agh issmghur
Ar issimghur Tamazight arraw aghrfan

Gwmak Zalhoud

azul essoussi
azul zalhoud

azul a essoussi brk agwma igran nrbi artllit ajig tojot
hlan bda inarlan
aywa gatt krzatt lrllt tgtn togass atassim lkhir

azul zalhoud ola kyin iran daron wawal krzat
ola kyin lrlt atassim lkhir ama l3ar igott litorm

ayayiss yossrn kni dossndoudi adah tgam
atossrt t9and koyan ayiss orta yossr gan chaji3
rornd timizar nh ola tiyad irilla lhrb oratt izmaw lkhof
orak issn matigan iryozl issn izd tamazirt nss afuzln
nta aricht afrziz rodrar ola azarar ori9l ssyan adasst ssunn
l9odra nrbi ass sswanor9ln ssum3gaz zund assndoudi atn sswan amakiy irdor kin afran oratn tchim
ola ssul kni azalhoud achko iwssnawn rthgart assikhssa adnfk tassmrirt iwayiss hann
dadaton adgan isstahlat achko rornd timizar

Azul Essousi
Azul Amadle

Ay Amadle ay agacur mami trit imigh
Ur tusit lbrud aqqryan ur nnigh
Is dark illa wad izmrn ad nghin uttuf
Ahh inu s ubaraz illas ur akkw annigh
Taguri nmyar iziln mi susigh ifr ns
A madd izdan ssfld at igh ak inna yan
Awal n ddrst waynat dw awal aghrfan
Wa ddnan all awal iziln tama tin urin
Awal ay gan tighula a yan ur issnn
Ayyis anddam ifrkn maf yiwi uwttas


Zalhoud

azul azalhoud
azul Essoussi

ahan orankrztirola irditon nzi
ola kminadrsst oraknt nssala irdor nochki fwawal
azalhoud tolm bda agayou tagim adtakim
nkin han awal lisstnam ka gigi iraman orad nssnttal l3ib
nsskr awal i3dln dwiyad
yuf bda iyan adtwad3n irsskrn lkhata awin giss lfayt

i3dl bda iyofgan adssimrorn ssogayounss ginassn taman
igssn oridssa yan mach tawado3 iga rlihtiram

azalhoud tgam bda anbdad olmo9ar ngigan orakn
nakrh aygan d agik nawi lfayt tawitsst gignh ay9ssad wawal



gwmaton (amadle )tanmirt mach manza kmaton assndoudi rwint yiliht iflkn artfrom
tanmirt

Azul Essousi
Azul Amadle

Is ak uf yuf igh trzmt i awal nnun
Ad ur ittf ddnan izlin swawal ubaraz
Ilmma kiwan inna ka s mklli ran
Anîbar iga tanyut f tamimt nw awal
Issfra d izlan izli isti maf iwin


Gwmatun zalhoud

farid ur nani gh igiwr mafagh ntmyur!

amlmad d yusin izikr aykkrf ayyis

ikkid iss DaRat adur tnnit is i7rc!

amlmad d yusin izikr awn tasawnt!

ajj awal iydbab ns ajjat amawal!

war afud mani ghid ir! irwas akucam

igh nghir gh ubaraz ur yufi ayy lkmn

lHaSil a farid amya urtinn annigh!

akuz ikcm s imndi artn issusus

amawal izzatid wawDiD nffughasnt


taguri tga tayyaD ur sul nliq i yat!

Azul Essoussi

Issusm w awal gh imik nk a walli t innan
Asusiy ark ssimghurgh nssn mat tnnit
Ayyis taghzut ami gan iffgh tassasin
Tamurghi tfld awdid imghan ttawtcan
Adk ur ig rbbi tt tzgzut imma rakk ccin
Afus nk nrat iw zrg izdan turarin
Ur ufigh amawas amr kiyyin urrid
Igh tflt abaraz irwas is ratt nffugh


Gwmak Zalhoud

farid anrar n tmdyazt usar rat nfugh

ahayagh nusid abawch ino s'ufus ngh

nawaghn srs akkndd ntluH a taffiwin

ur nqqil s un3Dab assmam uras issin

ula tazrt tmn3ays icqqa wawal!

ikna yga waDu yiry attnt izuzzur!!!

farid awsiyi ghid awDiD iratt nttay!

imdci n imndi ghass arattin nssuss

awttas tlkm tizi maghatn lkmgh.

Azul Essousi

Awttas tlkm tizi magh a tn tlkkmt
Awdid akk akkw ur ihul irattn nttay
Ghikad icwa ghassad a gwma ihla w awal
Izil ujjig d tuga d ma smmghi w akal
Tizzwa d igdad staran tafsut nk a Sus
Inbar tinbar iwil ahh a yan ur irin
Ad itahl asggwas awr sul nnan
Is rad yaf madt ittirin imal ur nnigh
Nurrid a gwma s ubaraz ad nssar awal
Adk akkw ur tagh tgudi nw awdid igh llan
Anaw nk as nsiggil inghan ghw afud
Tawda nghin gis tahrbubt issn maf iwin
Ur radt ibdu d uwttas ucnyar n yan
Awal ns iga aqqryan i yant ittarmn
Awal ns iga tujjut i wallit iran
Ara tazrt ara abawc taglut ara annrar
Tirac ngh ay Asusiy tummit nw awal
Ad gis ncc icc krad izdan awin lxir
Macc yan agh yurmn s gar is iratt nttay

Gwmak Zalhoud