immi

IMMI...


Fk iyi udm nm
Add gis agwmgh afulki
Mas sswagh tifras inw
Hbbl iyi s iZula nm
Qqn flla irgl n tiTT
Add ssukfgh iZuran n umTTa
Yawi iyi iDs gh iZri nm
Ml iyi azmumg nm
Fk i tudrt inu anaruz magh mTTln
Ussan inw

Tayri nm ...
Tayri nm ...
Agh immrks ill d unZar
Yaru taDDangiwin n tumrt
Biksn gis ussan inu
I tgwmrt asin tukaD
IliH mad gwmmrn

Ddmgh gh tayughin n umarg nm
Sgrawlnt iyi
Ggh aluffi mnid n tzninga
Fsigh gh imlaln n tghufi nm
Man tanawt
Man aghrrabu
A rad iyi yasi s iftasn n urin nm ?

Is gis tfl tizi
Magh ghwmmagh s usyafa nm ?

Yusi gim w akud awullu
Ar ikkrz iDrfan gh tdusi nm
Issfsi adif
Issif afud
Ig tandra nm d uZawan gh unbdu ns
Ar imggr s tmuDan gh tghssa nm
Ar ittkkis irifi ns s tidi nm

Ittu km
Ittu iyi
Ittu is ur rad tg tyafut ns
Amr amTTa nw


Xadija Arouhal

khadija arouhal a écrit:

IMMI...


Fk iyi udm nm
Add gis agwmgh afulki
Mas sswagh tifras inw
Hbbl iyi s iZula nm
Qqn flla irgl n tiTT
Add ssukfgh iZuran n umTTa
Yawi iyi iDs gh iZri nm
Ml iyi azmumg nm
Fk i tudrt inu anaruz magh mTTln
Ussan inw

Tayri nm ...
Tayri nm ...
Agh immrks ill d unZar
Yaru taDDangiwin n tumrt
Biksn gis ussan inu
I tgwmrt asin tukaD
IliH mad gwmmrn

Ddmgh gh tayughin n umarg nm
Sgrawlnt iyi
Ggh aluffi mnid n tzninga
Fsigh gh imlaln n tghufi nm
Man tanawt
Man aghrrabu
A rad iyi yasi s iftasn n urin nm ?

Is gis tfl tizi
Magh ghwmmagh s usyafa nm ?

Yusi gim w akud awullu
Ar ikkrz iDrfan gh tdusi nm
Issfsi adif
Issif afud
Ig tandra nm d uZawan gh unbdu ns
Ar imggr s tmuDan gh tghssa nm
Ar ittkkis irifi ns s tidi nm

Ittu km
Ittu iyi
Ittu is ur rad tg tyafut ns
Amr amTTa nw


Xadija Arouhal

Azul ultma iâzzan Xadija Arouhal

Ur lligh amr igh lligh i wiyyaD.Nssar aTTan;nssar tumrt.Gmigh tamdyazt nm;is tt akkw swigh ar taguri iggwran,swint iyi tilag,ur dari tsul kra n tguri gh umawal inu,win ul inu amr:"Ahhhhhhhhhhhhhhhhhhhhhhhhhhhhhhhhhhhhhhhhhhhhhhhh".Ssutlgh;rwlgh;urrighd gmigh dagh,sugh dagh,agwmgh tasghart inu gh uzngig;macc ula gh tamimt n issfra nw awal llid iluln ghw ul asint urin s imi ad isawl f immi lli igan immim;a ultma lli ur turu immi,ay illis n ultmas n immi...
Ar km ssimghrugh lligh tiwzt mayla iD,iggammi iDs add yadd i irgl n tiTT nm;macc iD amllal yuf iD lli iddan gh tiwwurga aggugnin f tilawt mad yaggug ignna fw akal.Ad utgh awal gh tuZZumt ,ssifsusgh fllam aZaZu n ugmmay n isyafatn inu;nnigh am tZil,tlha,tssfra,tssfka,tdus,tfrn,tdra,tmmim,tghus,tssusm,tattuy tmdyazt nm.Ar km snimmirgh.Ar km ssimghurgh.

Gwmam Zalhoud

J'aime lire Khadija Arouhal.Elle est facile et majestueuse en même temps. Et dés l’entrée, elle vous accroche par des mots qui vous ensorcèlent comme:"Fk iyi udm nm-Add gis agwmgh afulki".

Bravo et merci Khadija Arouhal.

PS: chaque fois que je lis Arouhal,ce nom me fait penser au nom d'un petit village (Irouhalen) qui n'est pas loin d'Imin-tanut.

azul aytma azul imdyazn
mass zalhoud tanmmmmmmmmmmmirt attas tiguriwin nk ar smussunt tuctal gh tifras inu mayann iggut flla tanmirt rad tg tannayt nk tifilit n urgh gh umggrd inu
massa azanaf tanmirt nm awd kmmi iga iyi addur d km issusm mad taragh
mass afgan bla gar tanmirt nk attas iga iyi addur axatar ad tgwmit iskkiln n tguri inw tannayt nk tla dari atig mqqurn
ijjanit tanmmmmmirt f tannayt issusm iyi ad ilkm usyafa nu gh tmdyazt ad ulaw nnun awttas inw igat astt didi tdrum tdrum didi mad ittasi ula gh tayri n idmatngh ighk tssusm ad tarragt inu i mak d immi d mas n kuyan tanmmmmmmirt
tttttttttttttttaaaaannmmiiirrrrrrrrrt nnun

azul tamdyazt ngh tamqrant khadija ..
righ ad inigh mass d tuggt n isyafatn ad ikrf uzmz d tazzliwin ns gh ugns inw .. aylligh ghrigh tiguriin nm f immitngh a fadd ad drn s ghmklli s d yadli iqqan asis drn .. tamdyazt nm tga bdda gh tid yattuyn gh tirra tg gh timatarin n uswingm d ufrak n imazighn gh tswkla d tirra n tmdyazt
aram ttinigh ayyouz nm
ultma
irghud i kra f turit .. ratt bdda tkti tguri

massa khadija
nkki uggar n wayyuz ur sul dari illi mad ttinigh! ar tmggrt ijddign n wawal, tkrzt tn mklli ka trit!

azul ultma!
ku yan gratngh ar ittiri immis, ku yan gigngh ar ittiri ad isslkm tayri ns i immis; ad as tt iml, ad as tt issufu ismuttl as tt! kmmi, massa, tufit tagharast tsghudut tt!
tanmmirt kigan s wassagh n immi, s wassagh n id matngh!