Tawtemt immi d ultma a tgit nzra kwunt

Tawtemt
[center]Tawtemt immi d ultma a tgit n zra kwunt
Tegt illi tegti tameddakwlt tegt amud n imal
Id butillas ar ttinin ixss iferghn ay an
Nnix asen ix ifergh makwun yurun tilim dar nx
Aghyul ikkerzn s tgwrsa yaz gis ad yinun
kwnni takwim x uzerf n tuwtemt s tighzi d turrut
Tskerm g isnt ghemk ad iskar ilf x w-ayda nnun

Makwun yusin x w adis tza yyirn yaru gwmatun
Izd issusem kwn ad trggem id lalla d matun
Tafim agharas s twtmin lli rminin darun
Tasim sersent akuray n takat takiwm g isnt
Tirim a tZZider I tmmara isggwasen d w-ayur
Tader I wallen Tentel x tmlssit zunt iffegh iman
Tirim tt x tillas a t ggan d ad ttaru tirbatin
Teg taghawsa tssaghm tzzenzemt s tidrimin
Tzmmim m i tmsught s wassaghn n bab ignwan
Man azerf iskern x tawtemt tawaya d mammas
Afgan ur isssen n s watig n tuwtemt amudr ayan

Tawtemt tizi magh tsawalt tlkem x darun
Ilkem yan uzemz ad tnnit afgan a nga nit
Asays n tudert nmun as inna tkkit ndferk is
Urd azerrar ka a mi ssengh negh d alay dalal
Izri uzemz lli ghi ttinim nga titbirin
Neg tayafut n ungwmar ammas ignwan
Gix afgan ur i yyi tugerm rZmat iZri nnun
Nfaw nit nekcem tinmel nelkem tasdawit
Usix timasayin x tudert zgh lixd n lul
Ur sar tellit ix ur llix kiy ula gwmatun

Afus gh ufus s tngaddayt ad namz ayur
nasi y- itran x tbrida n ufra nffagh tillas
nfaw tigharasin ndru tilelli nekkin ditun
nsitti y-iwutta n unuhyu d iriZ n gratenx
Neg taydert n tudert iZiln nssaghwd amur

Casa ass 25/04/2010 EL ADAOUI LHANAFI

Azul mass EL ADAOUI LHANAFI, amdyaz ngh amqran, gh umzwaru brrk gh tigmmi nk tiss snat "Art Amazigh"...
Ayyuz nk f tmdyazt ad nk bahra immimn s tgharas lli st turit ula tiguriwin ns ula ammakn ns.. Ayyuz nk
Tanmirt f tizi yad n usnflul ilan atig mqqurn