Mohamed Mahou irZm iftasn n ul ns i wid icucufn gh ilaln n tmdyazt

Admin Messages : 182 Date d'inscription : 21/12/2008 Localisation : agadir

Tffgh d ussan ad gh ugadir yat twckint tamaynut n tmdyazin n mass Mohamed Mahou, izazwl as s ism n “iftasn n ul”, tawckint lli istin abrid amaynu gh tmdyazt, tkcm gh ungi ad ngh tayyught tatrart n tirra n tmdyazt, mqqar tZli s tmitar ns d tfras ns lli rad yakwz wanna tt ighran.
Tawckint ad gis 60 n udm, d 18 n tmdyazt, ttyarant s uskkil n tlatinit d tfinagh, iffgh d gh tzazwlt n Aqlam gh ugadir.
Mass Mahou iga aslmad n tutlayt n tnglizt, ifka yad tawckint ns izwarn i usinag agldan ad tt id issufgh s ism n “ifrgan”.
G twckint ad amdyaz ibara ul ns, irZm iftasn n ill n tasa ns ad gisn ttazzaln imiran n izlan, willi ittutn ff tguri immimn, isti ad iskr gh tghawsiwin mZZiynin n ku ass tazra n wawal idusn idran, acku mklli d nit yiwi s ils n yan umdyaz n Mirikan: “Tamdyazt iga tt tizi lli tskrt gh tghawsiwin timaynutin tinmyarin, tskrt gh tghawsiwin tinmyarin timaynutin.”.

$Mohamed Mahou irZm iftasn n ul ns i wid icucufn gh ilaln n tmdyazt C:\Documents and Settings\Administrateur$

Messages : 194 Date d'inscription : 28/09/2009

Tanmmirt nnunt awltma f anghmis ad!
Ula kullu imggura gh inghmisn Zlinin s tmdyazt tamazight,llid bedda t7yyalt s abaraz ad!
tudret i imdyazn imazighn,
tudret i abaraz n art amazigh!

Admin Messages : 182 Date d'inscription : 21/12/2008 Localisation : agadir

ijjanit* a écrit:: Tanmmirt nnunt awltma f anghmis ad!
Ula kullu imggura gh inghmisn Zlinin s tmdyazt tamazight,llid bedda t7yyalt s abaraz ad!
tudret i imdyazn imazighn,
tudret i abaraz n art amazigh!

Tanmirt a ijjanit,
Ayyuz i bab n twwuri.
anna iran ad izr tawlaft n udlis ad amaynu n mass M.Mahou rad stin yaf gh lblog n tirrawal gh la catégorie n asfsr-net acku tugi ad iyin tili gh waggur ad :http://www.tirrawal.canalblog.com/asfsrt-net/
Ayyuz nnun

Admin Messages : 737 Date d'inscription : 16/05/2008 Localisation : France

Tanmirt nm Aza f unghmis ad, irghud i bab n twwuri yad tamaynut, mass Mohamed Mahou, irghud i igr n tskla tamazight s twckint n "iftasn n ul" amour

Had tawlaft n udlis n gmatenh mass Mahou. Ayyuz ns!

Mohamed Mahou irZm iftasn n ul ns i wid icucufn gh ilaln n tmdyazt 55437689

Invité

Azul Aza
Ayyuz nk a Mohamed Mahou s tlalit n tadla n tamaynut!
igh tufam ad agh d tgm yat gh tmdyazin n umadyaz ngh ad stt ngmi nmdi tt nsawl fllas!
Gwmatun zalhoud tajdigt

Admin Messages : 182 Date d'inscription : 21/12/2008 Localisation : agadir

Azul fllawn,
Gh umzwaru ar ttinigh ayyuz i gwma tngh amara mass M.Mahou xf tadla yad ns n tmdyazin ifulkin, ayyuz ns .

Had yat tamdyazt ns mi issagh "Tafkka inu" afad ad tmDim izlan n mass M.Mahou:

Tafkka inu

Ass ad nkrgh d, yagh iyi uSmmiD
Nkki lli d inkrn gr imlaln n tnzruft
Nkki lli mu ttinin iwis n tafukt
Duygh-d yagh iyi uSmmiD ass-a
Tasa inu tga aman zund asaru
Ils inu iqqur gh udfl n ilufsa inu
IDarn inu ggammin ad nn asin aDar
Ifassn inu Drn ggummin ad munn
AsmmiD ikrf izuran inu
Asin d tazugla ran ad iyi nn mDln
Mac cbbrgh sul gh tfkka inu
Ad ur tmun d waman ula tggwz akal
Gigh nn uxsan inu awd iskarn inu
Mmaghegh! Mmaghegh ad nfsi tamukrist inu
Ssukfgh- d ils inu gh udfl
Ighawl ar itirir,
ar isawal s imik zund iDgam
Issfld as bab awd imm
Ul inu urrin t id idammn
Ur mmutgh! Ur mmutgh!
Ur mmutgh, a bab ! Ur mmutgh, a yimm!
Ssfld at iyi! Ar awn ssflidgh!
Ad biddgh!
Uhu..
IDarn inu urta rghan
Ifassn inu urta bahra ttmussun
Mac mqqar ! Mac mqqar !
Tafkka inu tsul ur tmmut
Ur tmmut
Ur tmmut..

Asurf: Nnurz ad agh isurf mass M.Mahou lligh d nga tamdyazt ad ns ghid mqqar ur as t nna!

Invité

Azul Aza
Tanmmirt f tmdyazt ad bahra iziln llid tuznd s ghid
Ayyuz i gwmtangh Mohamed mahou
Gwmatun farid tajdigt

» "lligh nmzzi",tamdyazt n Mohamed Arejdal;asughl n Farid Mohamed Zalhoud
» yat tmdyazt
» azul yat tmdyazt tarzzift i ousouss
» Oudmine Mohamed Ziri