Dadda Amseggin

Dadda amseggin ukern as akal
Yamen s Rebbi, bab n igenwan
Taqbilt taxatart ilan amezruy
Iẓuran n umazigh a y an

Dadda amseggin ukern as akal
Yamen s Rebbi, agellid ameqran
Iqqim gh udrar
Ittu azaghar is iga win-s
Ittu is t ikerz w-awullu ns
Ittu is isker imadaghen d taffiwin
Iqqen rrwa
Izuzzer, yasi timillut

Lalla tamseggint ukern as akal
Teqqim gh udrar
Tettu azaghar is iga win-s
Tettu aseklu n targinin
Tettu tazegzut n tzelfin

Testi lalla tifyacin
Terg taqqayin
Tessli tiẓnin
Tezḍa, tẓem, teg argan gh texsayin

Saqsa assargw
Saqsa tawwunt
Saqsa assli
Saqsa azerg d tamennrut nes
Saqsa askwtti d ifasen as iggern
Saqsa aghaḍ itcan alig
Saqsa afunas itcan tazgemmut
Ad fkin tugga nsen

Tafukt d w-ayyur
Amedlu d itran
Saqsa ten
Ra-d fkin tugga nsen

Awal inu iffegh zegh w-ul
Yusi t w-aḍu, izug
Iwattes ulawen

Amasine
Ass n : 02/09/2000