Dadda Amghar ( i iman n Abdelkarim Alkhattabi )

Dadda Amghar ( grand-père )

I iman n Abdelkarim Elkhattabi
A l'âme d'Abdelkarim Elkhattabi



Aghwrab ur igi jîdar xubz waynat d ughrum
Righ imigh f ils Amazigh rdêlgh uri igum
Mazza mad nessar a tutlayt n Dâd diwnt
Tafukt tgit tin umâdal ghli ngh tiwnt
Yuba Kahina Massinisa Yugrtn
Imazighn arraw nnun azmz ad yukrtn
Anaw n ighuwaghn f uzrf gan yan mnnaw
Tifinagh askkil imdêlt Dâd is ng agnaw
Akal iga taganin afgan iga aywal
Anwal issnfd gis Dâd takat nw awal
Tagat n targanin rad utnt imakrn
Timgharin tazzanin had irgazn nkrn
Urd lkif kad yuru Rif d tugtt n usttif
Izd igh agh ka tnnam ughzif ad ay gan lif
Izi izri gh inifif d wabiba s uzkkif
Tirim Dadda Amghar Abdlkarim att nssinif
Adrar asghar azaghar imyar Dadda Amghar
Ifsi w afud s tawda yuda akud ighar
Irgagi w akal ingi w awal n Tifinagh
Adrar gh ighir ughuwagh arumi ist iffagh
Isdrf Dadda Amghar amur d gh uskrf Amazigh
Afgan igh gan inagan ameruy manigh
Gisn tifrt n Abdlkrim d imigh n Anwal
Iwink s Madagascar timdêlt gh Isiwan
Akwfaf n Egypte yuddak ahh nga ikrwan
Dadda Amghar gigh amdyaz is nara isesfra
Mask ur ttugh akttay nk gh ufna ngh afra
Araw war anaw ad gigh nsfaw gh umdlfaw
Saw abaw d ufraw is llan ngh mraw d uraw
S Rbbi f uzrf nkrf nzzlf naddum
Nttut s tayri niri azrf yuf aghrum



Farid Mohamed Zalhoud
Poème extrait de mon recueil " Afgan Zund argan"
Publié par les Editions berbères
Paris
France

Azul
Timila n rbbi fllak a Dadda Amghar!
Zalhoud