Aza Taziri
Admin
Messages : 182
Date d'inscription : 21/12/2008
Localisation : agadir
 | Sujet: Ufugh amzwaru n imnghi amggaru: Adlis wis kraD n Khadija Abenrousse  Lun 22 Aoû - 5:07 | |
|
Ufugh amzwaru n imnghi amggaru
Adlis wis kraD n Khadija Abenrousse
Iffgh d gh usiru n tzazwlt n sidi mumn gh tgmmi tumlilt ussan ad ggwranin yan uDris amaynu n ultma tngh massa khadija Abenrousse mi tsti s ism: imnghi amggau «Le dernier combat ».
Adlis ad amaynu n massa khadija Abenrousse tsmun gis kra n umiyn d tullisin zg taskla tamaDlant tsughl tn s tmazight tfk asn yan udm yaDn s uskkil d tguriwin ngh iZiln s yat tgharast bahra idusn immimn gnt gis tullisin ad kkuZt tsmun tnt gh 120 n tasna s sin iskkiln win tfinagh d ulatin, ig usktur ns mkad:
Tafalkayt n uglmim
Imnghi amggaru
Agldun Anir
Tagat n tggurDi
Iffgh d udlis ad s yan udm iZiln ittawin tiTT, tsti as massa Abenrousse ism n yat gh tullisin ad ig ism ns, yack d gh tzwart lli as tskr massa Aziza Nafia:
“Ultma tngh Xadija Abnrus tga yat tawtmt yusin anzgum n tutlayt tamazight, ur ar d teTTay adlis ar d yad gis mmghint tinitin n udlis yaDn, ur ar tmggr yan warra ar d tkrz i wayyaD.
Hatt id dagh ar tsfrujju igr n tskla tamazight s warra-ad ns amaynu, mi tsti ism n: “imnghi amggaru” lligh tsmun kra n tjddigin n tskla tamaDlant trur tnt s tmazight ad gnt isni f ixf n tskla ngh d wawal ngh.
Arra-ad tiwi d gis kra n umiyn d kra n tullisin lli d iswan gh taysi n ufgan asint atign fulkinin lli tra ad tn tzzri i imghran imqrann ula imZyann zund atig n tayri n tmazirt d tgwmat d twizi d wiyyaD…
IDrisn n massa xadija ar sslmadn tutlayt izdgn immimn mklli agh mmalan abrid inmn yughdn, mln agh agharas ifrghn ittawin s gar tagara zund abrid n tggurDi d udurdu”.
Adlis n tmarat ngh iga wis kraD ns, Darat n mad yad tssufgh adlis ns izwarn “illis n waman” gh usggwas n 2007 lli yiwin tasmghurt n ircam, d mm iZula gh 2009.
Adlis ad iga mad yaqqra wazzan ula amqran, acku tagharast lli s ittyura d tutlayt ns izdgn ifssusn tga ma gh ittlmad wanna iran ad yara d ad issaghul taskla tamaDlant s tmazight. | |
|
Accueil 
Dernières images 