assemghwr n tawtmt tamazight ittaran: khadija abenrousse "illis n waman"

azul aytmatnegh gh waggur ifulkin ikkuln (yusin anezgum n tirra d tzûri d tskla d wawal amazigh, ha yan unghmis f tirra n tutmin timazighin g sus
tssufgh-d ultmatngh “khadija abenrousse” yan udlis s ism n «illis n waman », asktur udlis ad yuma mnnaw umiyn I tazzanin, ittyasay-d zgh umiyn n umadâl, ttyaran idêrisen ns s yat tgharast lli s izdâr ad-tt yakwz kuyan, s sin iskkiln alatini d tfinagh, d unughen (illustrations) gan win unazûr lârbi ddouch iwis n tfrawt.
adlis ad yuklal (mériter) tasmghurt n ircam (asinag ageldan) n 2007 g usays n usughl.
ultmatngh khadija tga tamzwarut g tsga n sus lli-d issufghen adlis, d tmzwarut yiwin kra n tsmghurt mqqurn dar imazighen n lmghrib akkw, igh urn nigh g tmazgha igh ur skkrksgh!