Urar n ubudrar ( Tarezzift i Ijjanit )

Zalhoud a écrit:

Urar n ubudrar

Tarezzift i Ijjanit


A Tafrawt lallas n timizar af sawelgh
Akal amasin igan win tlalit ur ten felgh
Awal igan aqbur n tiddet nekki rak ten melgh
Amallay d izdan berrek ad k akkw smagelgh

Urar n urin azur ar azur adrar aft nnigh
Walli ifkan aman i turtit n tiznit ghd bbigh
Taliqamt iflujjan iw atay anned ffigh
I ayt uzaghar ad ighar uters ad jjin jjigh

A Jaxjax a Belaïd Bizmawen d Ulbensir
Afulki n twenza tiddi n terrugza azmummi nw azzan
Amarg nnun as iy igzi w akud ar nettirir
Adrar azaghar adghar asghar nekkwni gh imzeran

Anyalkam d tmizar n Souss ad akkw istara adrar
Im rebbi s tumert gh tudert nk ad ur takwert adar
Tayri aman zuzwanin tawit amarg tfelt wayyad aqendar

Zalhoud

azul agellid n imedyazn !
iswa dagh ull zegh assif ed ighusn n tgwriwin mmimnin tnnit f lallas n tmizar "tafraout" trzeft i gwmanu ijjanit!!

ifdi n wayuuuuuuuuuuuuz amedyazngh !!