Baba s n Simun tallast n GUY DE MAUPASSANT s tmazivt Tiss2 d tigira

Isyafa izzi n ul is icenbi idran ur ilin allav;dusn flla is,ur a sn ilkem mani,nnran t, ur izmer ad a sn irar,d nit v ugens is issvwzan is ur itthif baba s ara.Tazengart s iktar,tkka is gr as d imttawn t isemmxsayn ad d ur dern i udm is. ibidd as uxxuy ad ur isvuyy, tfkn as d imttawn, ulln d g is taspatthayt t issendun, tssenfg is yat tkulft izirzn v imllagutn is; aya iga nit tumast n ivuwwavn yummernin,mmezrayn ifassn qqen d flla tiwinst ,aywan ar tsaysan s:

" Ur ili baba s,ur ili baba s"

Tuki t tspatthayt, yali t id yan isidh, ili-n t yadlli kra n tsmmatin ddu idharn is,iknu igru tnt, iserrp ijillic s kra ila n tfasa i imagzarn is.Sin niv kradh ttiwmrazn, gin tavwyyit, ku-yan mani v t iga udhar is, imnger mad tn yanni izdha tn isdhcer d tizhmit g isn ilup. Iherbubn, amki da tgga tagwzdit dat n yan ivilfn alin as idammen ar d ur yisfiw; ilmma,yan ur sul igwra mad as idhern.

Ikwti d yan wacc ittmentran tudert ns,ad ig yan tam ussan,mad ilvev,ass an t id gwmern,Simun illa dinna.Igellin n unvjuf,ixxa, irku, isduhdat lliv a ur g is itnuccug mani,werrvn iguzzan ns,d tamart ibdgen tzgrar,allen ns ffuvn d, viklli xf issya ur ar itmussu,dili ns ad nnan"Immut";yan yadhnin isemd: "awa pra jjun isunfa yummer" Yasi uvdjaj Simun ad ilvev dv nettan, acu ur ili baba s am amhludh ad ur itthafn tadrimt.

Ilkem d aman,iwali tn ngin,yan mennaw iselman itcfen gan d tadfrirt, ar n tlmazn izan islaun aswir n waman,ikerrzn amtta ad tn ismuqul,acku yiwk t in mka d lhan.Mac kra n tikkal,zud yat tmjiwct d irzemn i idhaggwn sxraccanin addagn,naf mad tn in tppelb tuggugt,ad i tgga,tawngimt as d ittadhun d tgudhi icqqaqrn.

" Ad lvev acami ur tthifv baba"

Azemz yulba,icwa,tuga tpbbel d i tafukt,aman zddign,ttiwvaln tisit,izger d uvdjaj n umizzeg d tguni iggi n tuga irvan,aya as d tfl tagudhi d umtta lli t id ikkan.

Yan ugru azgzaw icrurudn g ir n idharn is,ig ad t yubr siv as izlv,ign d is cala,kradt twal ad as injem. Izbu t id v ixfawn n tiqqar gguranin,isthsa t s tfasa d yusi ad iffertl.Is ka ikums xf tmslatin issiv yuwk tigaldhin is aylliv rwasnt tikurayin,tith is zund aqaridh n urv,immav d wadhu s tiqqar n dat. Tdher d v unlli is yat tmammact ittiwskan v snat tflwin n usvar,izdi umsmar,s zig-zag,yat nnig tayy.Ikti d ilmma tigemmi ns tamzyant,ma s ider as d yan uviluf igrujjemn, isalla t xriri i tith,tzgert tuccnt v txssa ns yutc xf tfaddin is ar ipssu tazallit imyar ad st yaqra ndi taguni,mac taspatthayt ar is tbbi tiguriwin ur sul ittafa mani v t ifl,ar d sul ur iswingim kad yalla.S uzwi yan ufus issikl tivwradh is,taqqayt izurn tsawl d:

"Man aviluf k igan d vika a mimmi?"

Igrawl n s is sul ar t ukan ussakwi tspatthayt:

"Acku ... ur dar i baba.
_Manik? ad inna urgaz azmumg xf imi,ku-yan vur is yan.é
Ccil as d g is tffavnt tguriwin v taqqayt iqqen uviluf:
"Nekki ... nekk ur dar i illa.."
Tnfl tvara n uqddac,yukz mimmi s n ta blacut,ur yadlli illa yan d izzan tamazirt ur as ttiwbdar.
"Matti vin, as d inna, ssufu iman ik a iwi, an ddu s vur ma k,naf ak baba k"
Munen d ubrid,amqran yumz afus i umzyan,izmumg dav urgaz,acku izuzd ad izer ta Blancut,s t in ikkan s waflki,tg yat v trbatin iziln bahra,a ur imil isak akkw ixf is tafuda mmu yad ffavn idharn is acwari ur n g is yaggug ad t dav ffavn.
"Vid" As d inna upcmi, ar nit yaqra "Immi!". Tugga d yat tmvart, ibbi uqddacazmumg,tigira mad yukz is av sul ur itmllav yan d urbi ad,tbidd anyir n tggurt zun tiwzv i irgazn ad sar ur sersn adhar v satimi,acku irrumdh t yad yan g itsn. Takumbut gr ifassn, ilkkakd,isgnanni.
"Massa,amz iwim,iwiv am t id,icka dar wasif"
Yakwi n Simun xf umggerd n ma s,ityigil s is,amtta yuzzer d v walln is:
"Uhuy yami;is ddiv s wasif ad lviv,acku vwwin utn yi ... bbken yi ...acku ur tthafv baba "
Taddum, tawn tzuvi i tmvrtaylliv tdel tigullin is, ad irzem wakal tudf t ula addad v tlla,tmahacc iwi is s jjhalt,dern d imttawn i tudmt is.Argaz icka s mad izzig,man adhar n ittasi,siv n s is yuzzel Simun isqsa t:
" Is trit ad tgt baba? "
Isself d udvar yan ifssi idran.Ta Blancut tzizen ar tsmxsay tkarakidht,avwrab ka st id irurn,ifassn s sin iggi n ul is,isak wazzan asmaql vmk d vmk,awd-yan ur istan,yals:
" Iv ur trit,rad avulv ad lviv "
Aqddac iga t in s tathsa, d ismun d infurn is:
" Oad,riv .
_ Iwa ini ism nk,ad as d issdhfer,upcmi,fad t iniv i vwwin tizi ran ad ssen assav nk?
_ Filipp." ad d iffavn d imi n urgaz.
Yut Simun them, asak assav ad ixf is,ad n g is ivam, issavwd n s is tivirt is s tumert:
" Iwa! Filipp, zv tura tgit baba."
Isngarat uqddac d wakal, imappact dvya v tguzzin ns s snat, yakuf nit izmuzzal vzzifnin.
Taskkat-an, yiwdh s uvrbaz,tathsa iwerrvn as imdin, v ufuv,yittin s is urba ad t id yawk,siv t ijiyyf v unlli s tiguriwin viklli tismmatin n ildi:
" Baba ism is Filipp, aah! Filipp "Tnker tgdrurt n tumert ur tfl kra n tsga ur t tpba.
" Filipp mit? Filipp manwa? Ma za igan Filipp? mani v d tiwit Filipp ad?
Meqqar d tnukma tasa ns,d ur dar is astan s asn ittqen imawn nsn,inzev tn s uxzzur,ad immet ibidd,ula d tarwla ig tathsa. Ifukka t umasay n tinmel,yazen t i ma s.
Ma igan krad iyyirn,ad izray uqddac Filipp v ir n taddart n ta Balancut,yili mav t ittasi uvdjaj ad as isawl,kud tlla dili n userzm is. Ar as trar s tvart n ixf,jjun as d tiwn tathsa s is,amki jjun d netta an yukln v tgmmi ns.Aqq yuda t vunckkan,zund irgazn d tirni,ival tazuvi st iddaln tga g is tamyurt tizi as tsawl,d nit amunk ifruzzan,iv yad izdi,irxa ad ifruri,meqqar as tssipil ta Blancut,alidh s t g is bbin midden v tmazirt.
Simun ipmel bahra baba s amaynu,tamddit nna as yufa ar d is itpuwas.Ar ittidu s uvrbaz,izger tuzzumt n ingga ns min asn istan.
Yan wass, arba is imdin v umzwaru,yut t id:
" Ar tskkirkist kiyyi,kra n baba k ism is Filipp ur t tthaft.
_ Max maya? s unnukmu irur Simun
Isqacci walli idudhan is isawl is:
" Acku mtad is t tthaft, kun iga anarag n ma k."
Mnid n tilawt ad d isquqqin allen,irgagi Simun.Mqqar gan ifaddn is aman istan:
"Ukan iz,iga baba . _Izdhar, tathsa tiwk tinfurin n urba, ur nit iga baba k ivwzan."
Ilup d umzyan n ta Blancut taxsmart xf idmarn is,ar issukuf izmuzzaln v ubrid ittawin s wanudh n dda Lwizun,amras n twuri n Filipp. Anudh ad,zun antel xf d llan waddagn ad iga. Idnnuns bahra,vas yan wavad azwav d icmirriwn v tzazudht, isur d g smmus imziln zutfnin ivariwn nsn, izdubbuzn uzzal ittersn xf issuragn, ar smdudin imzgan, ilin tawwuri s tiddi s mad gan, ar sddiqisn am aylli ur yadder yan, allen nsn varnt v uzzal iqqedn ar t smxsayn. Dhnin iswingimn nsn lli yaqlayn ar tgguzn d igalmiwn nsn.
Yudf n Simun, min t izra yan,ur n ibidd ar tama n umddakwl is,lli d yuwk zr uvmmir is,igrawl d g is . Ibbi uncudh,rarn d irgazn anlli ar smuqquln. Tuzzumt n ifssi ad ur igin tamyurt v mant tizi an,av d yali yan uzat yamumn v taqqayt n Simun :
« Filipp,ini yi tidet, arba ndi inna yi gam-lli m is ur tgit nit baba ivwzan ?
_ Acu aya ? ad isqsa uqddac.
S tbahlalt t ilsan,istan :
_Mit ur tgit argaz n yami. »
Iskakked Filipp,ur d tiwn tathsa awd yan,tadala n ifassn zurnin s ssin isers t xf ignzi ns irba ufus n ugalim d immvin v ussarg. Iks tarwa n iblis.
Ismun is s kkuz gan as tith.Simun akwzaz gr igrzutn idehcrn, ittqeln .Alidh iswangm,yan g itsn taswingimt akkw sukan iwfawn nsn, s wazat yattuyn yaywuld xf ils is,iwattes sis Filipp :
« Ur ad taft mads t yufn.Ta Blancut,tarbat ivudan,tcwa,meqqar gar tawnza dar is, tamtthut ur ifl unrzu i urgaz izlulvn s waddur.
_ Ivwzan. » ad d uln s yat tmawayt s kradh itsn. Idhfer :
« Tigllint, tammara d itkka, ad tsgmi tssekr d apcmi ns,d mit d umtta ad tssengi zv mad sul ur tffuv ad t ddu s tfacaga,vass Rbbi imuln ad t issen,d mad g is isran.
_ Tvwzant. » Ad d mullin willi . iswadhn issemktayn takat v tzazudht ad sul grrun imzgan. Iknu n Filipp v Simun isawl is :
« Ddu ini n i ma k ,hati rad n ackiv v gridwan ad d is sawlv. » Igli Simun zv tvwradh, yadhu s umras is. S yan usatti as d dhern igalmiwn s smmus xf issuragn. Amki s aserwatn uzzal ar idh, dusn, ummern,mkan d igalmiwn nsn ivudan. Macc tiyti n Filipp, tekka akkw xf tin vwwin yadhnin, urn tfl awdpap v warzzun n ukardinal ittirirn ussan n tfugla,yati kra igan inwqsn ittnunin. S kra ila n tfasa as iddez uzzal ,tamu tiddi ns gr indggwin.
Igenna ircm qqap s itran smrvanin,lliv d yawd axxam isduqqr taggurt n ta Blancut, v tmlsit n acur av d ittaggwa,yat tberkast,yarudn,tamart ittiwrsamn, tmla d torrimt ixf is v umnyar tini s tazhayt :
« Ur icwi ad d tackt v idh iqqen,Mass Filipp. »
Ira ad isawl,igmgem,ivar tanilla ns.
Tsemd : « Tssent ukan, is d ur iqqan ad sul siti issa yan atay. »
Siv d inna.
« Ma rad d iggarn,iv trit ad tgt tanaragt iw ! »
Kra sul iskrukuzn ur sul illi.Mac netta ival is d yiwn i imzgan is yan uskurkc n txssa izzi n tmsrit illasn. Ivawl yudf ; Simun igen v udabu ns, yukz azat n tammaht,d kra n tguriwin idran ur ifawn n ma s ;ur issen aylliv ifl adabu ns taksart,ittwvi gr ivariwn n umddakwl is irwasn win Hiraql,isawl as :
« Rad tinit i ismun nk,mas d baba k iga t Filipp Remy amzil.D rad n yack ad yawk imzgan n yan ak iskern gar. »
Taskkat-an,avrbaz iktar,tivri tssenti,Simun immutti d yibzaw,tinfurin is da trgigiynt :
« Baba,s taqayt izurn as t inna,iga t Filipp Remy amzil,d yan yi iskrn gar,rad d yack ad yawk imzgan is. »
Tawalt ad,awdyan v tnucceg tathsa,acku ssen s umata matta wan igan Filipp Remy amzil,lan akkw s is turrut d uddur.

Rinas a écrit:

Isyafa izzi n ul is icenbi idran ur ilin allav;dusn flla is,ur a sn ilkem mani,nnran t, ur izmer ad a sn irar,d nit v ugens is issvwzan is ur itthif baba s ara.Tazengart s iktar,tkka is gr as d imttawn t isemmxsayn ad d ur dern i udm is. ibidd as uxxuy ad ur isvuyy, tfkn as d imttawn, ulln d g is taspatthayt t issendun, tssenfg is yat tkulft izirzn v imllagutn is; aya iga nit tumast n ivuwwavn yummernin,mmezrayn ifassn qqen d flla tiwinst ,aywan ar tsaysan s:

" Ur ili baba s,ur ili baba s"

Tuki t tspatthayt, yali t id yan isidh, ili-n t yadlli kra n tsmmatin ddu idharn is,iknu igru tnt, iserrp ijillic s kra ila n tfasa i imagzarn is.Sin niv kradh ttiwmrazn, gin tavwyyit, ku-yan mani v t iga udhar is, imnger mad tn yanni izdha tn isdhcer d tizhmit g isn ilup. Iherbubn, amki da tgga tagwzdit dat n yan ivilfn alin as idammen ar d ur yisfiw; ilmma,yan ur sul igwra mad as idhern.

Ikwti d yan wacc ittmentran tudert ns,ad ig yan tam ussan,mad ilvev,ass an t id gwmern,Simun illa dinna.Igellin n unvjuf,ixxa, irku, isduhdat lliv a ur g is itnuccug mani,werrvn iguzzan ns,d tamart ibdgen tzgrar,allen ns ffuvn d, viklli xf issya ur ar itmussu,dili ns ad nnan"Immut";yan yadhnin isemd: "awa pra jjun isunfa yummer" Yasi uvdjaj Simun ad ilvev dv nettan, acu ur ili baba s am amhludh ad ur itthafn tadrimt.

Ilkem d aman,iwali tn ngin,yan mennaw iselman itcfen gan d tadfrirt, ar n tlmazn izan islaun aswir n waman,ikerrzn amtta ad tn ismuqul,acku yiwk t in mka d lhan.Mac kra n tikkal,zud yat tmjiwct d irzemn i idhaggwn sxraccanin addagn,naf mad tn in tppelb tuggugt,ad i tgga,tawngimt as d ittadhun d tgudhi icqqaqrn.

" Ad lvev acami ur tthifv baba"

Azemz yulba,icwa,tuga tpbbel d i tafukt,aman zddign,ttiwvaln tisit,izger d uvdjaj n umizzeg d tguni iggi n tuga irvan,aya as d tfl tagudhi d umtta lli t id ikkan.

Yan ugru azgzaw icrurudn g ir n idharn is,ig ad t yubr siv as izlv,ign d is cala,kradt twal ad as injem. Izbu t id v ixfawn n tiqqar gguranin,isthsa t s tfasa d yusi ad iffertl.Is ka ikums xf tmslatin issiv yuwk tigaldhin is aylliv rwasnt tikurayin,tith is zund aqaridh n urv,immav d wadhu s tiqqar n dat. Tdher d v unlli is yat tmammact ittiwskan v snat tflwin n usvar,izdi umsmar,s zig-zag,yat nnig tayy.Ikti d ilmma tigemmi ns tamzyant,ma s ider as d yan uviluf igrujjemn, isalla t xriri i tith,tzgert tuccnt v txssa ns yutc xf tfaddin is ar ipssu tazallit imyar ad st yaqra ndi taguni,mac taspatthayt ar is tbbi tiguriwin ur sul ittafa mani v t ifl,ar d sul ur iswingim kad yalla.S uzwi yan ufus issikl tivwradh is,taqqayt izurn tsawl d:

"Man aviluf k igan d vika a mimmi?"

Igrawl n s is sul ar t ukan ussakwi tspatthayt:

"Acku ... ur dar i baba.
_Manik? ad inna urgaz azmumg xf imi,ku-yan vur is yan.é
Ccil as d g is tffavnt tguriwin v taqqayt iqqen uviluf:
"Nekki ... nekk ur dar i illa.."
Tnfl tvara n uqddac,yukz mimmi s n ta blacut,ur yadlli illa yan d izzan tamazirt ur as ttiwbdar.
"Matti vin, as d inna, ssufu iman ik a iwi, an ddu s vur ma k,naf ak baba k"
Munen d ubrid,amqran yumz afus i umzyan,izmumg dav urgaz,acku izuzd ad izer ta Blancut,s t in ikkan s waflki,tg yat v trbatin iziln bahra,a ur imil isak akkw ixf is tafuda mmu yad ffavn idharn is acwari ur n g is yaggug ad t dav ffavn.
"Vid" As d inna upcmi, ar nit yaqra "Immi!". Tugga d yat tmvart, ibbi uqddacazmumg,tigira mad yukz is av sul ur itmllav yan d urbi ad,tbidd anyir n tggurt zun tiwzv i irgazn ad sar ur sersn adhar v satimi,acku irrumdh t yad yan g itsn. Takumbut gr ifassn, ilkkakd,isgnanni.
"Massa,amz iwim,iwiv am t id,icka dar wasif"
Yakwi n Simun xf umggerd n ma s,ityigil s is,amtta yuzzer d v walln is:
"Uhuy yami;is ddiv s wasif ad lviv,acku vwwin utn yi ... bbken yi ...acku ur tthafv baba "
Taddum, tawn tzuvi i tmvrtaylliv tdel tigullin is, ad irzem wakal tudf t ula addad v tlla,tmahacc iwi is s jjhalt,dern d imttawn i tudmt is.Argaz icka s mad izzig,man adhar n ittasi,siv n s is yuzzel Simun isqsa t:
" Is trit ad tgt baba? "
Isself d udvar yan ifssi idran.Ta Blancut tzizen ar tsmxsay tkarakidht,avwrab ka st id irurn,ifassn s sin iggi n ul is,isak wazzan asmaql vmk d vmk,awd-yan ur istan,yals:
" Iv ur trit,rad avulv ad lviv "
Aqddac iga t in s tathsa, d ismun d infurn is:
" Oad,riv .
_ Iwa ini ism nk,ad as d issdhfer,upcmi,fad t iniv i vwwin tizi ran ad ssen assav nk?
_ Filipp." ad d iffavn d imi n urgaz.
Yut Simun them, asak assav ad ixf is,ad n g is ivam, issavwd n s is tivirt is s tumert:
" Iwa! Filipp, zv tura tgit baba."
Isngarat uqddac d wakal, imappact dvya v tguzzin ns s snat, yakuf nit izmuzzal vzzifnin.
Taskkat-an, yiwdh s uvrbaz,tathsa iwerrvn as imdin, v ufuv,yittin s is urba ad t id yawk,siv t ijiyyf v unlli s tiguriwin viklli tismmatin n ildi:
" Baba ism is Filipp, aah! Filipp "Tnker tgdrurt n tumert ur tfl kra n tsga ur t tpba.
" Filipp mit? Filipp manwa? Ma za igan Filipp? mani v d tiwit Filipp ad?
Meqqar d tnukma tasa ns,d ur dar is astan s asn ittqen imawn nsn,inzev tn s uxzzur,ad immet ibidd,ula d tarwla ig tathsa. Ifukka t umasay n tinmel,yazen t i ma s.
Ma igan krad iyyirn,ad izray uqddac Filipp v ir n taddart n ta Balancut,yili mav t ittasi uvdjaj ad as isawl,kud tlla dili n userzm is. Ar as trar s tvart n ixf,jjun as d tiwn tathsa s is,amki jjun d netta an yukln v tgmmi ns.Aqq yuda t vunckkan,zund irgazn d tirni,ival tazuvi st iddaln tga g is tamyurt tizi as tsawl,d nit amunk ifruzzan,iv yad izdi,irxa ad ifruri,meqqar as tssipil ta Blancut,alidh s t g is bbin midden v tmazirt.
Simun ipmel bahra baba s amaynu,tamddit nna as yufa ar d is itpuwas.Ar ittidu s uvrbaz,izger tuzzumt n ingga ns min asn istan.
Yan wass, arba is imdin v umzwaru,yut t id:
" Ar tskkirkist kiyyi,kra n baba k ism is Filipp ur t tthaft.
_ Max maya? s unnukmu irur Simun
Isqacci walli idudhan is isawl is:
" Acku mtad is t tthaft, kun iga anarag n ma k."
Mnid n tilawt ad d isquqqin allen,irgagi Simun.Mqqar gan ifaddn is aman istan:
"Ukan iz,iga baba . _Izdhar, tathsa tiwk tinfurin n urba, ur nit iga baba k ivwzan."
Ilup d umzyan n ta Blancut taxsmart xf idmarn is,ar issukuf izmuzzaln v ubrid ittawin s wanudh n dda Lwizun,amras n twuri n Filipp. Anudh ad,zun antel xf d llan waddagn ad iga. Idnnuns bahra,vas yan wavad azwav d icmirriwn v tzazudht, isur d g smmus imziln zutfnin ivariwn nsn, izdubbuzn uzzal ittersn xf issuragn, ar smdudin imzgan, ilin tawwuri s tiddi s mad gan, ar sddiqisn am aylli ur yadder yan, allen nsn varnt v uzzal iqqedn ar t smxsayn. Dhnin iswingimn nsn lli yaqlayn ar tgguzn d igalmiwn nsn.
Yudf n Simun, min t izra yan,ur n ibidd ar tama n umddakwl is,lli d yuwk zr uvmmir is,igrawl d g is . Ibbi uncudh,rarn d irgazn anlli ar smuqquln. Tuzzumt n ifssi ad ur igin tamyurt v mant tizi an,av d yali yan uzat yamumn v taqqayt n Simun :
« Filipp,ini yi tidet, arba ndi inna yi gam-lli m is ur tgit nit baba ivwzan ?
_ Acu aya ? ad isqsa uqddac.
S tbahlalt t ilsan,istan :
_Mit ur tgit argaz n yami. »
Iskakked Filipp,ur d tiwn tathsa awd yan,tadala n ifassn zurnin s ssin isers t xf ignzi ns irba ufus n ugalim d immvin v ussarg. Iks tarwa n iblis.
Ismun is s kkuz gan as tith.Simun akwzaz gr igrzutn idehcrn, ittqeln .Alidh iswangm,yan g itsn taswingimt akkw sukan iwfawn nsn, s wazat yattuyn yaywuld xf ils is,iwattes sis Filipp :
« Ur ad taft mads t yufn.Ta Blancut,tarbat ivudan,tcwa,meqqar gar tawnza dar is, tamtthut ur ifl unrzu i urgaz izlulvn s waddur.
_ Ivwzan. » ad d uln s yat tmawayt s kradh itsn. Idhfer :
« Tigllint, tammara d itkka, ad tsgmi tssekr d apcmi ns,d mit d umtta ad tssengi zv mad sul ur tffuv ad t ddu s tfacaga,vass Rbbi imuln ad t issen,d mad g is isran.
_ Tvwzant. » Ad d mullin willi . iswadhn issemktayn takat v tzazudht ad sul grrun imzgan. Iknu n Filipp v Simun isawl is :
« Ddu ini n i ma k ,hati rad n ackiv v gridwan ad d is sawlv. » Igli Simun zv tvwradh, yadhu s umras is. S yan usatti as d dhern igalmiwn s smmus xf issuragn. Amki s aserwatn uzzal ar idh, dusn, ummern,mkan d igalmiwn nsn ivudan. Macc tiyti n Filipp, tekka akkw xf tin vwwin yadhnin, urn tfl awdpap v warzzun n ukardinal ittirirn ussan n tfugla,yati kra igan inwqsn ittnunin. S kra ila n tfasa as iddez uzzal ,tamu tiddi ns gr indggwin.
Igenna ircm qqap s itran smrvanin,lliv d yawd axxam isduqqr taggurt n ta Blancut, v tmlsit n acur av d ittaggwa,yat tberkast,yarudn,tamart ittiwrsamn, tmla d torrimt ixf is v umnyar tini s tazhayt :
« Ur icwi ad d tackt v idh iqqen,Mass Filipp. »
Ira ad isawl,igmgem,ivar tanilla ns.
Tsemd : « Tssent ukan, is d ur iqqan ad sul siti issa yan atay. »
Siv d inna.
« Ma rad d iggarn,iv trit ad tgt tanaragt iw ! »
Kra sul iskrukuzn ur sul illi.Mac netta ival is d yiwn i imzgan is yan uskurkc n txssa izzi n tmsrit illasn. Ivawl yudf ; Simun igen v udabu ns, yukz azat n tammaht,d kra n tguriwin idran ur ifawn n ma s ;ur issen aylliv ifl adabu ns taksart,ittwvi gr ivariwn n umddakwl is irwasn win Hiraql,isawl as :
« Rad tinit i ismun nk,mas d baba k iga t Filipp Remy amzil.D rad n yack ad yawk imzgan n yan ak iskern gar. »
Taskkat-an,avrbaz iktar,tivri tssenti,Simun immutti d yibzaw,tinfurin is da trgigiynt :
« Baba,s taqayt izurn as t inna,iga t Filipp Remy amzil,d yan yi iskrn gar,rad d yack ad yawk imzgan is. »
Tawalt ad,awdyan v tnucceg tathsa,acku ssen s umata matta wan igan Filipp Remy amzil,lan akkw s is turrut d uddur.

Azul Rinas
Babas n Siman ark isnimmir f babas n Simun!
Ayyuz nek if usughel ad izilen lli tskert i tallast n Guy De Maupassant

Gwamk Zalhoud babas n Siman :alvas: :fleur: :fleur: :fleur: