Rinas
Messages : 68
Date d'inscription : 06/04/2009
 | Sujet: Taskkiwt n tbpirt Agzzum zwarn tallast n GUY DE MAUPASSANT s tmazivt  Mar 12 Mai - 11:41 | |
| Taskkiwt n tbpirt
I Mkda ihuska uzemz,mmeklan ayt tbpirt dvya,ilin in v igran .
Ruza,taskkiwt tvama d fvnit tuzzumt n unwal irrutn,yat tjaffut ittxsayn ddu tikint vad tfluffun waman v iriwn is,nettat av d ttagwm aman s a tssirid irukutn s ttapilt, iv tekka mad tekka tlup allen is xf tazzenbilin d itsur wasid n tafukt d izggern aserzm,iggi n umidun,ar d issaggwa imaladn n tisitin.
Kradht tfullusin mmjdubbanin,ar n gerrunt agaluz ddu n isqqimn. Tikdhut n usarag,irksn d tidi n ulli tkchemn v umzjger n taggurt , izzhi n ifssi n uzun-ass avd yaqlay ttuddin n iyazidhn.
Thya trbat tawwuri ns,tsfedh amidun, tsvus tazazudt, tderrs talmidin d iswgga v ukafu v nnig, dili tintur n ukccudh islalayn tik-tak. Tsuncdh s tazhayt, tvuf min tssen max. Allen is v walidh ittisgin, ticumac ikwlin, jgageln d g is isasan n tbvaynust, tikurdllasin n islman d isttef uzhalim, tskkus, ismuktu t wadhu d itctutupn v tirvi n wass ad zv regg lliv varn kada n iwnafn wahli managu, d tisemmi n ukfay itlulun v tmsrit d is isdan. Tmyar yad lli ad tgennu man tizi ad micc ur as tzzulz, tmatti ad st id yut uzwu v satimi.
Is ti d ukan isli wasid yulban, tsyafa s tegagayt tzger ul is, d usunfu ider i xsan is. Umnid n tgemmi, yan umdduz ae d g is ittawn yan irug ifawn. Tifullusin ar tzurduznt, sersnt tigjbadh xf is s yat tiqqert ae skurkuznt ad afint tawkka. Ayazidh iorrec gr a tsnt, kuy tizi isti yat g itsnt issutl as, iskiwkiw n v uvnbu ns, tmatti tfullust s uburc, tasi t trbu t xf ibzzirn is, kud nna d iggwiz, tut s ibzzirn is asusn d s ugdhrur, tzzhel ilmma v umdduz, netta va ittirir s tiberrgza ns, kuy andaru av as d ttazn ifullusn tirruvdiwin, ar d ittiwval izd tibpirt s taytnker g is tvnnant d inazarn gr imarayn.
Taskkiwt v ukan tn d g isn tssuki min ikka yat ixf is. Tull allen is, ikkedh as usmrva n ijjign mllulnin n tadfuyt, rwasn tukadh imels uggurn.
Asra, ha yan ucnudh isnhabber uhuskay is, izri tanila ns s ubrdak, igrawl i igwdhyan n uzhu snat tikkal,ibidd ar itmssaq i ixf is da igan awlawal.
Nettat, altu tvujba cala, ad tsmliwl ixsan is, ad tazzel tavwd, tsunfu v uzwu tsllugma tirvi. Allen qqennin, tawi ccur s undaru, taf in krad-mrawt n tglay, lli d tusi, tawi tnt s usskar tpdhu tnt in, adhu n unwal iszwgza t dav,tffav s tuga tskkiws.
Tibpirt tnuddem, gli n t id waddagn v kraygat tasga. Tuga tzgrar, akerkaz awravda isunfu zun tafat, tazgzut is tvwma, d taynant n tfssut. Amalu n waddagn n tadfuyt idher d s igjwan isni asn tiwinas, v ifupinatn n tallavt d tsbnit, tukadh isn av d mvint tirisin iskern ifrawn man tikuba, ar swuwwunt viklli irug n tkwray d igwrar mmu d ittawn ilubu.
Telkm tskkiwt agrur v tiwsttafn ikarrutn d isalditn, v ugdhi ifsern s ulala irzemn i tujjut is, nnig a ts yat tabia, zv wafa ns ar ittiwsugga ugama s umata, yan uzavar ixatern, immvin s uzhutn, d tadliwin n taddaginilluzzan, advar s udvar, taggayin n iqddacn aggugnin, ikzuzn zud tisunarin, azzar amellal am iknarn, ilddi n yan ukarru n tslmya itdpi yan urgaz ivzzifn man t adhad.
Tdda tasi d yan ulitim n walim, tsgl agwdhi lli, tskkiws, ur tastwa, ar tmkniwidh tzluzzu t, tzhel xf tadawt tssavwd idarn, ivariwn ddu ixf.
Tqqen allen is, tnuddem, taf n taluvi lliv tgdhay, is tin akkw izba ithes.
Imikk-a-tin, tsyafa sin ifassn slaynin idmarn is, temmzwi nit. Jak a-yan, askkiw v tibpirt, iga yan uorrim iziln, anazllum, yad tssusm t, d trmc t s ur d imikk. Assa an ila tawwuri v uzaru, izlm t id tzzhl v umalu, igli d s is izmuzzal n ttalb-oli, ibbi uncudh, allen icmirriwn, d tizzha n walim ittwvin v ucakuk is.
Ikwnn n g is ad s t issudn, tmrrq as, s tnnazhit, ittr as asurf. Vjdmn yan dili wayy, ar msawaln, ksn tivumrin i invmisn, ur fln kra ur bdern, azmz n tmgra icwan, aseggwas d ivwlin, akrwa nsn igrurzn, tamazirt s umata, sawln xf ixfawn isn nit, agama nsn, tafuda nsn, ikettayn nsn, ayt-dar sn ur zhran ayuzdaw a ur ig vad ivaman v tudert isn. Alidh swangmn v maya, tilwiv d nettat, natta s mad isuka ixf is, yittin ar d is itmslay, kra t igan iburc, yali t uvdjaj. Tsawl:
“A yuzdaw aya ur zheiv immi, wahli mamnk ad itmerrat yan ingaran d ma s vunckka.”
Trwl tith is tzgr asayrur ar n tmnid agama n yaggugn v uzlmadh ittizwagn.
Ipbbel t v umggerd, imapac t, s tkridht txlun udm is s yat tukkimt, tsggunzer t, imdhwi; isdun ixf is d ugjja n yat taddagt. Tlubz, titti n s tama ns.
“Is k yav? “
Irdhl tathsa.Uhuy, ur akkw “Gar asnkr!” Yut st in s izhri n tiggma iman d uzrkki, altu tamlla napya i trbit ad idusn, ilumman, d islaln immvi n yat tayri tamduddat.
Bbin in idammen, isumr ad nuccegn, acku iv vaman mpadan, ur n yaggug ad g is ivez tukkimt yadhnin. Ivwi t v irir is amki n imarayn , ku tamddit v uberdan , tini as:
“Jak, ur ifulki ara ad tlkkut ‘mépriser’ amk nna “
Yut as awal g tuzzumt,ur d is a t itlkku, is a t ittiri ukan”
“Aqq trit yi I urcil?” as d tenna. Ilkkik, yaywa ar t ismuqqul s tsga,kud ckant twallin is g tuggugt mind is. Tthaf imayln zggwavnin, tinfurin zurnin zwawavnin, idmaren baranin ullen d afddas ahindi lli tlsa, tamggert attayn n uruf , ircemn s mennawt tmqqa n tidi. Isfafa t uvujbu, imi v umzzuv,isurs: “ S tirawt ixatern ”
Tpbbel d I umggerd is,varnt tnfurin is v wins,duhdun s sin itsn.
Tnfed ilmmadin g itsn tanfust n tayri d urumsu ivlaln, ar tmwayan v intula, ar skarn tidutam n ddu tmayyurt, v dili ibawn d ikiker,ar ssemsalayn idharn ddu n umidun s urzhin isn ilan amsmar.
Imikk s imikk, ar taqlay i Jak v ix,ar as ittanf, ur as isawal mklli,ur ar s is itelli zund yadlli. Tlsit turda,yaywul d g is uviluf ixatern, imil akkw tsyafa is tusi aplig.
Temmrwi, utn g is irin avjdm, slawant ur djin s is tufa tavarast tuggt mad as ittanf.
Tigira, g yan idh, itthas kra mmu ittawn uncudh, g tibpirt, ar nettat, tmatti d, ar tsekkal min tqqen turzhin, s tqccabt n tguni,tzri v usarag zund asklu,tedpin taggurt n upanu g igen Jak,dar ixf is g nnig, yan untthar n walim,yawk I ubuxrur lliv as iferk,tzutf t ,tutc xf ifadden ar t tsndupmu aylliv d inkr, iggawr,isqsa : “Mad trit?” Trgagi s trsant, tuvmas tgzzaz as tsursa: “Riv, riv ad yi tilit, yak tfullit yi s urcil?” Iffi kiki n tathsa, yut afus s ufus istan: “Aqq ur rad sul iliv sala ula tawwuri vass ad ttiliv tanna izgln gnv d is izd is txwlit?” Takwin xf tgrjumt is tsgwdmt tsvuyy n g ugnfur is “Zzhayv,wa zzhayv,is tsllat, liv aplig.”
Ibbi g is unchudh,idhls, vaman s sin rggign ur tn id yiwn wawal,tuzzumt n yan ifssi idhlan,kra t irzzhan d taqqurt n ugja n yan ugwmar d ilddin tadliwi n walim g uzddim iferd.
Zar n innfrayn s tkka flla s isgngem:
“Waxxa, rad km iliv, ivd agi ad tawdh” Misa ur a sul tdmin tugzha ns:
“Dumnid, ad tberrpt s tmvra.” Istan “Dumnid. Ggal s Rbbi imuln.”
Ilkkakdh, irar:
“S Rbbi imuln,yuf yi yuf km.”
Tkkis d idhudan is g tgrjumt is, min tsawl tfelt turri.
Zrin ussan g tgammi ad s is tsawl,ahanu ard ittirgal s tsarut di agwns,,ur djin tzmer ad t tsduqqer ad ur tssenkr tazherzunt.
Yat tylgi tzelm n yan uoddar yuddef s ugdz… tsaqsa:
“Jak izd idda?
- Wayh,as d inna walli, nekki ad yumzn advar is.” Tmlalli s is ddunit, gin ifaddn is aman, ur sul tzdhar waxxa ad tkkis tikint v usagwl,is ka ku-yan tiwit twuri,tali nettat s tmsrit is tfkt i umttha,tcun udm is g tuwsadht puma ad as ur islla yan ; min as iferk yan tmmav ad tssen mani dda ihwa. Tkummer g is takti n ugacur is, ar tmnid tval yan tsaqsa is g is ixwmmer. Tigira ur tlkm amr is izug tamazirt min uvul. | |
|
Accueil 
Dernières images 
