Dadda Amghar (I iman n Abdelkarim Elkhattabi )

Zalhoud a écrit:

Dadda Amghar ( grand-père )

I iman n Abdelkarim Elkhattabi
A l'âme d'Abdelkarim Elkhattabi



Aghwrab ur igi jîdar xubz waynat d ughrum
Righ imigh f ils Amazigh rdêlgh uri igum
Mazza mad nessar a tutlayt n Dâd diwent
Tafukt tgit tin umâdal ghli negh tiwent
Yuba Kahina Massinisa Yugerten
Imazighen arraw nnun azemz ad yukerten
Anaw n ighuwaghen f uzerf gan yan mennaw
Tifinagh asekkil imdêlt Dâd is neg agnaw
Akal iga taganin afgan iga aywal
Anwal issenfed gis Dâd takat nw awal
Tagat n targanin rad utent imakern
Timgharin tazzanin had irgazen nkern
Urd lkif kad yuru Rif d tugett n usettif
Izd igh agh ka tennam ughzif ad ay gan lif
Izi izri gh inifif d wabiba s uzekkif
Tirim Dadda Amghar Abdelkarim att nessinif
Adrar asghar azaghar imyar Dadda Amghar
Ifsi w afud s tawda yuda akud ighar
Irgagi w akal ingi w awal n Tifinagh
Adrar gh ighir ughuwagh arumi ist iffagh
Isderf Dadda Amghar amur d gh uskerf Amazigh
Afgan igh gan inagan amezruy manigh
Gisen tifert n Abdelkrim d imigh n Anwal
Iwink s Madagascar timdêlt gh Isiwan
Akwfaf n Egypte yuddak ahh nega ikerwan
Dadda Amghar gigh amedyaz is nara isefra
Mask ur ttugh akettay nek gh ufna negh afra
Araw war anaw ad gigh nesfaw gh umdelfaw
Saw abaw d ufraw is llan negh meraw d uraw
S Rebbi f uzerf nkerf nezzelf naddum
Nettut s tayri niri azerf yuf aghrum



Farid Mohamed Zalhoud

Poème extrait de mon recueil " Afgan Zund argan"
Publié par les Editions berbères
Paris
France

azul igwmanu zalhoud ifdi n tiklit !!
tamayt i wakuc f wagur ad, isker agharas max dagh ntafa tutlayt tamazight ar tsawal s illes n ugellid n imedyazn ,max dagh naqra timedyazin s tamimt s tummert max nssa nswu ullawn !!!
ighd yan wayuuuz ur yudi ,rad akwrgh akw itran smerghinin g igenwan aragh ak sersn ayuuuuuz g igenna n tamazigha !!!

tanemmirt
ult mak (tanirtn tafraout)

tanemmirt

Tamdyazte bahra ifulkin n dadda amghar, iwaliwn lli ssousmnin ad ga ghwd lli tnnit!
Très beau texte poète Amazigh !

Tnemmirt bahra irghan

TAYLALT

ur iyyi sul tfel ultma tengh Tanirt n Tfraoute ma ssul fllak ttinigh.
macc, igh akw yadlli righ ak talghw, urrad izdîrgh att inigh ghmkelli st itnna ultmatengh.

Ayyuz nk a gma
tanmirt nm a ultma.