« azrf akucam »_Abdellah SABRI_

Tamatart a écrit:

« azrf akucam »

auteur : M.Abdellah SABRI

azul tamatart
tanmmirt a ultma f unghmis ad

azrf akucam n Abdellah Sabri
Adlis ad ar isghal 13 x 18,5 cm
Llant gis 120 n tasna
63 gisent tyarant s uskkil alatini,
57 s askkil n tfinnagh.
Conception: Med Oussous, Salah Agram
Tableau de couverture: Moha Mellal
Tazwart yuratt mass Med Oussous

Yan imik gh ungal : azerf akucam
Page:1
Ifssi n tmazirt rzant « ibulduzirn », ar tdrdurn, rzmn i waggu. Munned imzdagh, ar zerran tudfit ad mqqurn n wuzzal, ar tskar g imik tizi aya da skarn id bu tghwrad gh wussan n twwuri: ar tqqaz, ar ttasi, ar tsiksil, trz aqcmir, tzzri abrid g udrar d uzaghar
Lmxzn yiwid abrid n ugudrun s tmazirt ……………

Ghiklli s inna umara abdellah sabri, iwid lmxzn abrid n ugudrun s tmazirt, mac ayyli igan amrun I muha, aylligh asd yucka lblan n ccanti gh tayniwt ns, tayniwt n usfsu.

Page: 11
Muha tnghat tight , macc tlla sul tizi: “urd iqqan ad fissgh, zdargh ad sul ssenjmgh tayniwt inu. Iqqand ad sawlgh, iqqand ad sfaskagh s aylli mi zdargh, tayniwt ad tga iyi tallalt I takat, ur idrus ma gh iyi tiws, atig nns imqqur “
Ibdd Muha irzm alln , dat as “ibulduzirn” ……………..

Ma ssul ijran?
Iggut mad ijran, tallest n muha sfaska ar tsalla, yan tt ighran rann gis yakwz azerf akucam.

Surf iyyi agwma Abdellah Sabri , gh umawaru, ad ak inigh ayyuz nk f twwuri yad.

Add zwar sktigh masdd Abdellah Sabri, yura yad yan usinaryo n ufilm gzzuln issagh as: “sida” iffughd igh asul t3aqqagh gh usgwas n 2007
Ghiklli yura yat tmzgunt: imttawn n tamghart” tzri gh umsriy n lbaladiya ass n 10 octobre 2009.

Maddari att inigh f ungal “azerf akucam”
muha sfaska, urd izerfan n ikaln kad as igan ikucamn, macc arn ttannaygh izd izerfan n muha isd yadlli luln bla idarn, nxabbaln as ifalan sul gh ignwan. Ittyagald yadelli bdda gh umggerd s taglult. Is aka tkerri imik s imik. Ur illi maygan tabbayt n ul ,igh icca yan asellab ur akw issen f mit.

“igr-d muha sin imttawn ixatarn: yazn tn I trbatin n, ig nn tuggas ad igr wis krad I tmghart ns. Macc tamttant tlkm as d agayyu, zwunt walln ns.”
Immim mayad igh art yaqqra yan, igh as isfeld yan, yatfud.
Macc irzagg ight iddr yan. Ar issalla mayad

Tanmirt a gwma Abdellah Sabri f ungal ad, s wayyad ight inna rbbi.
Ayyuz nk
Nnurz ad yack yan uzemz lligh rad biddn izerfan n ufgan f idarn nsn, isur fllasn, ghwin abrid n tderfit.

Rinas a écrit:

Azul itrinit
tlkmd tmttant agayyu i muha ar tnuruzt izrfan ad biddn xf idharn isn han a tagwmat izrfan ur av tbiddadn ula ar t gantayn s unaruz,ad icmmr yan ad tn id ikks niv vaman kucmn nniv mas Sbri is ira ad yini amki, niv d aylli ukzv ad yili nssalit i ungal n Umara nv izziwiz imukrisn ad rkakanin n wamun ad ittyagasn tasutin xf tiyya aylliv ival is tga tdallit addur!!!!!

azul rinas
azul amdakwl

hann awddi urd nkkin ad inghan muha, afllagh ur iluh rbbi kran lbadl. nkkin is helli ullgh ifassn ar ttinigh att irhm rbbi.

tghwzant a gwma rinas, izerfan ur sar tnid nrur s izuzdn. azerf ur ar ittuykfa, is ad ituykkas. macc surf iyyi, rad nit dagh nnigh Nnurz ad yack yan uzemz lligh rad biddn izerfan n ufgan f idarn nsn, isur fllasn, ghwin abrid n tderfit. acku azerf izdi d ufrak, afrak imun d tirrukza. awa ghid aghnn tghama.
tanmirt rinas
tanmirt abdellah sabri

Azul Itrinit
Ur k lumsv is tnvit Muha var iv rad tgt inivi tinit ad n ur tntalt imma izerfan a ya modur ur yi turu ma mtad is lan idharn ikut tarwla arad as gin max vad itgurun is sul illa ufgan nivd gar afgan ur d win art amazigh

Rinas a écrit:

Azul Itrinit
Ur k lumsv is tnvit Muha var iv rad tgt inivi tinit ad n ur tntalt imma izerfan a ya modur ur yi turu ma mtad is lan idharn ikut tarwla arad as gin max vad itgurun is sul illa ufgan nivd gar afgan ur d win art amazigh

azul gwma rinas

igh nnigh urd nkkin ad inghan "muha" hann urd is righ ad tentalgh, is righ ad ak inigh hann mass abdellah sabri att inghan. rad iyyi tnnit midd tmaD n zund muha ad izrin, midd tmaD n zund muha annit sul illan , izerfan kucmn, urd aghar ghassad, kucmn bdda.
ikut is rad sul yack uzemz lligh rad biddn? nighdd lligh ratn nsbidd.
tanmirt i mass abdellah sabri llinn iggrn i tmukrist ad gh udlis ns.
ukan aseqsi ghilad igat : mamenk
kaygat yan dars tannayt ns, kaygatt yan man taghwmmirt, nighdd man taskwfelt af ibidd aghd isawal.
ukan yan ighran angal "azerf akucam" n abdellah sabri, iqqand ann ismmass ungal ad yan imik gh isyafatn ns, iqqand ann ikherjj yan imik gh unli ns. rann yakwz izerfan is kucmn, khtad tffught i turda, macc ighd nucka ad nfern adlis ad, illa fllagh ad nsaqsa gh mas ira ungal "azrf akucam" att inna?
- izd is ira ad inna: hann anaw ad n tamaght d wanaw ad (lmarka yad) n ufgan, iga yan ustay izlin (choix personnel), yan ubrid lli urrad isselkam s mani, d urradd sers irar amya.
- nighdd is ira ad inna hann anaw ad n "muha" lli ittmaghn s tgharast ad, babens itterza urta jjun isenta tamaght, ce type mène un combat perdu d'avance.

tanmirt rinas
tanmirt abdellah sabri

Azul itrinit
Nniv iv d n msucka xf tarslt iga t tirawt n ufgan s umata ,ddu udriz n ccil tugrhaz, ad iddr yat tudrt tamunant (sociétale) d tasgwzdit (graigaire) ad t ittadjan ad isvawsa s ufra d wiyyadh van af ikkat ad n isitti timav ivlaln d izubdan( timav n mmara mgal n mmara). muha g "Azrf akucam" immut niv ittiwnva gr tarslt ad d usitti n tmav ad, mad ifkan talalit n uzrf avaran (le droit naturel) lli d issaywuln azrf anumin (le droit légal) Is ur igi ajar (le trajet) gr sin ierfan ad av ilal "uzrf akucam"?
Ur ssinv, mac ur jjun ufiv ad t sngarav d umara ns lli ssnv ifta uzmz s snat tmrawin yad.
S umata agan ar ittanf i gar( le mal philosiphiquement) uggar n mad ittanf i waval( illusion); iv tga tudert azrf avaran ittawin s uzrf anumin, max iz tamttant ur t tgi mqqar tga azrf avaran xf ad tzubdu tudert?nniv tamukrisit (problématique) ad issakwi ungal n ummddakwl Alla Sbri.
Tanmirt uma itrinit

tanmirt rinas had yan had wayyad

nra ukan imil Abdellah Sabri addi tngh idru iwaliwn ad, macc ur sengh mani ghnn dagh

tanmirt

azul imddukkal. tanmmirt nnun.
mass rinas d mass itrinit, han ur igi nekk ad inghan muha, lmxzen at inghan. d nttan ad as iran ad imt, amma anzzarfu is tin ka iqqn g ubniq.

alla sabri a écrit:

azul imddukkal. tanmmirt nnun.
mass rinas d mass itrinit, han ur igi nekk ad inghan muha, lmxzen at inghan. d nttan ad as iran ad imt, amma anzzarfu is tin ka iqqn g ubniq.

tanmmirt a gwma alla sabri
ayyuz nk f twuriwin lli tskart.