Asays n iniren ( i ultma Hindi zahra )

ASAYS N INIREN

I ultam Hindi Zahra

Zerigh itran azal
Is sufan iw akal
S tumert nw awal
Ha tayri nk ay afal
Tuf tamment n uslal

Zegh ul nnigh azul
Usays ann ira w ul
Izil iffaw isul
Ijujjeg ijja imellul
Isd igni s usenflul

Ha itran n Tamazgha
Kra igan yan ismergha
Tamazight ghw angha
Zund tagwella tergha
Yan mur tddegh tengha

Tussena zilent a yan
Ur irin aqqeryan
Idus ufgan igan
Zund tassemi n ifergan
Ad gherin staran

Ay asays n iniren
Lligh ttersen itbiren
D igadad ar ttiriren
Ar gemmin ar sifriren
Isan is rad gis ghiren

Amedyaz ameksa
N tutlayt gh tyessa
Ur ifessa isaqsa
Tasa nes igan tansa
Tayri tensa tefsa


Farid Mohamed Zalhoud

Azul

Tnsa takat gh ubaraz
Nsant tifawin n tgwmma
Slagh nkki d idan ar nttagh
Ultma d gwma
Tamghart argaz
Maf zan nmmagh ?

zalhoud