Aglagal ( i ultma Tanirt i iman n Lhaj Mohamed Albnsir )

Aglagal


i ultma Tanirt
i iman n Lhaj Mohamed Albnsir



Alalaylali walalay lalala dalayl
Asa n ul agh iglugl unzgum urin sttafn
Azmz maghd kwrigh adar inu nadud nkrft
Tiwallin tinigitin tuf kwn titt tadrghalt
Ar zmmagh taguri nmmagh f uwttas nghawl

Alalaylali walalay lalala dalayl
Awal issfran afran iqqand igh rad nsawl
Agdud surf umdyaz issar attan d imttawn
Issar tumrt issar anaruz tisit d ulawn
Ul ns aglagal annli taghbalut ad iffawn

Alalaylali walalay lalala dalayl
Asa n ill aghnn igr s gar tayri kad ttafn
Tighula n taskla d umarg aygan tudrt ns
Akal awal ast isnfl asnflul add immagh
Ag gis iskr taffa tirac izlkan ad imimn

Alalaylali walalay lalala dalayl
Irghud i yan igan mafawal igh ard mmaln
Asafar n iman i yan iggammin ad isawl
Fw attan idran lli brin ilsawn gh imawn
Fw attan idran lli sgharn asmammi gh ulawn


Zalhoud

Merci Farid, je suis sincèrement très touchée par cette belle offrande poétique!

Azul Fatima
Nnan willi zrinin:"Tagwlla ittirirn yuf tt laz"("Mieux vaudrait la faim que la bouillie qui chante")
Merci ultma
yagh agh umrag nm!
Manzann uxccann imzyann?
Mas ttinn tiwit
Ayyuz nm f "Tagziwin n itran"!
gwmam farid