Imriri n umdlfaw ( i Baba )

Imriri n umdlfaw

i Baba


A turtit n iskkiln
Aman n marur as iswa ujddig
A taghult n issfra
Ur km ijdr waghris ur km yut iggig
Ay ardad n taddagt
Righ arraw immim awr nkks imrZig
Ad ncc tcct ay agDiD
Icc yan izrin turtit ur as gigh ifrig
Ay aghrum n igigiln
Awal n tggunt d ikkisn gh izig
Timlsit nsn afra
TaDutt tamllalt ur izDi ifggig
Tirmt nsn ur trZagt
Trwast asgaD n iZlan irzan gh uhlig
Gh tirghi gh usmmiD
Gh tfughalt gh tumrt addad irggig
Imriri n umdlfaw
Agh iZra umdyaz abughlu n tlddrar
Arraw war anaw
Tayuga ns ul aDrf f isli n udrar
Saw ay imghri saw
Is rad smghin urin amud atrar
Trit abaw trit afraw
Amdyaz ufan asafar n umakrar

Farid Mohamed Zalhoud

ayyuz mass zalhud, tizi nna izrin ar nn gik gwmmigh udm n umdyaz imqqurn, tamdyazt ad tga tugga mqqurn f is tgit amnay n tguri, is tssgrdt awal tghwit algammu ns gh ufus nk, is tzDar ad tssknut tayyughin n izlan, tkrft tnt, tmlt asnt is izDar umdyaz ad issanun taDDangiwin, issls asnt timlsa n taDfi d wawal immimn d tiwan izdgn ifrujjan.
ayyuz nk.

Azul gwma Mohamed Oussous

Ar k ssimghurgh ar k snimmirgh
Tugga nk tlkm ul inu trza gis ur yudi igh ak nnigh tanmmirt tigurwin akkw n umawal dwwal ur nnigh is rad gisnt afgh amr yat izdarn ad ak tsslkm ghaylli righ ad akt nnigh
Ad agh yajj Rbbi zri win twallin d win ul ifk agh tadusi d tighzi n tudrt ar ighd nrur i tmazight ngh atig ns ng tt gh uswir lli d trur
Ar timlilit
Ujjigh ak afulki d ufra d tumrt gh tudrt kiyyin d tuja nk
Gwmak Farid Mohamed Zalhoud

Azul
Ayhayya wayhayya!!!!!!Tghra tawukt gh tsukt mqqar trgha tafukt !
Zalhoud

azul issusm iyyi an dav agugh agur ad li mmu matlv issusm iyyi bahra lighn gis ufigh iskiln ur itgharn d tguriwin ittksn fad n tmdyazt gh ul imghri d imiri n tutlayt ngh ayyuz dagh ayyuz i umdyaz idusn ayyuz i wargan v tifras n ufgan ayyuz nk amass zalhoud

Azul ultma Khadija mas n Siman
Hati ghd nekkin tlla dari illi Siman dars smmus isggwasn d uzgn.Ad alm yajj Rbbi illim!
Tanemmirt ultma tamzyazt f tigurwin nm zilinin ssimghurnin amdyaz
Ar timlilit
Ujjigh am afulki d ufra d tumrt gh tudrt
Gwmam Zalhoud

PS: Hat tazdayt s tiwlafin(photos) n tarwa inu:

Siman:


http://www.oasisdesartistes.com/modules/myalbum/photo.php?lid=1056


Yuba:


http://www.oasisdesartistes.com/modules/myalbum/photo.php?lid=1100



Gwmam Zalhoud

azul amdyaz azul bab n tguri iziln adak yajj rbbi arraw nk iziln ifkak tudrt ighzzifn ard disn tdrut ussan mminin
adak gin imdyazn mad idfurn abrid n tskla gin mayulln assagh n zalhoud s uflla ad bdda iddr mklli s iddr s tguri nk ilan atig
tudrt ighzzifn i lalla siman ula i yuba
ar timlilt
tanmirt attas
lal n uzawan n urmmad
tililly arouhal khadija

Azul adlsan amazigh ultma Khadija
Tanmmirt f iwaliwn nm zilnin llanin gh uswir n tiddukla ilan atig igan tamghlult tadlsant tafalkayt tamazight!
Ghd kmmin ad am yajj Rbbi(Akuc) arraw nm d tuja nm ifk am tudrt d tadusi ar igh tsslkmt tamazight slawnt akkw tamyazt tatrart awttas bahra ilan atig
Ar timlilit
Ujjigh am afulki d ufra d tumrt gh tudrt d usnflul d ubughlu d tayafut
Gwmam Zalhoud

azanaf agadir a écrit:

Zalhoud a écrit:

Azul adlsan amazigh ultma Khadija
Tanmmirt f iwaliwn nm zilnin llanin gh uswir n tiddukla ilan atig igan tamghlult tadlsant tafalkayt tamazight!
Ghd kmmin ad am yajj Rbbi(Akuc) arraw nm d tuja nm ifk am tudrt d tadusi ar igh tsslkmt tamazight slawnt akkw tamyazt tatrart awttas bahra ilan atig
Ar timlilit
Ujjigh am afulki d ufra d tumrt gh tudrt d usnflul d ubughlu d tayafut
Gwmam Zalhoud

Azul mass Zalhud,
ad ak yajj rbbi tarwa nk mumman (3zzan bahra), ad ak tn ihfd rbbi ntni ula tamttut nk ula kullu mad dar k i3zzan...
tanmirt nk f tizi yad immimn n usnflul d usyafa iZiln... lli did ngh tdrit... ayyuz nk a amdyaz ngh mqqurn
ayyuuuuuuuuuuuuz nk a mass

Azul ultma Azanafagadir

Tanmmirt f tigurwin nm llid grnin ghw ul n tmttut tamdyazt mas n Tunaruz
Ghd kmmin ad am yajj Rbbi arraw nm d urgaz nm d tuja nm d mad ttirit gh tudrt nm
Tanmmirt f iwaliwn nm d tannayt nm izlin s tmdyazt inu "Imriri n umdlfaw"!
Ar tayyad
ujjigh am afulki d ufra d tumrt gh tudrt
gwmam Zalhoud